1. ИМУНИЗАЦИЈА

• Вакцинацијата по епидемиолошки индикации се врши согласно Законот за заштита на населението од заразни болести и Програмата за имунизација.
• Во Одделението по епидемиологија се врши вакцинација против следниве заразни болести: хепатитис Б, стомачен тифус, епидемичен менингитис, грип и др.
• Некои од вакцините се задолжителни за одредени категории на луѓе, заради карактерот на нивната работа, заради патување во странство, додека некои вакцини можат да се применат и по барање на пациентите.

2. ДЕЗИНФЕКЦИЈА, ДЕЗИНЦЕКЦИЈА И ДЕРАТИЗАЦИЈА

Превентивната дезинфекција, дезинсекција и дератизација претставуваат општи мерки за заштита на населението од заразни болести

• Превентивната дезинфекција дезинсекција и дератизација е задолжителна во здравствените установи, училишни и предучилишни установи, социјални установи, угостителски објекти и јавни објекти, како и во објекти за производство, промет и складирање на храна.
• Со овие мерки се задолжени сите правни и физички лица кои управуваат со објекти под санитарен надзор.
• Согласно Законот за заштита на населението од заразни болести превентивната дезинфекција се врши на секои 6 месеци, а дезинсекцијата и дератизацијата најмалку еднаш годишно.

3. ЈЗУ Центар за јавно здравје- Куманово e регистрирана институција за вршење на ДДД активности

Одделението за епидемиолошка дејност со дезинфекција, дезинсекција и дератизација со својот стручен тим – доктори специјалисти по епидемиологија и едуцирани техничари, како и софистицирана опрема врши:

• Превентивна дезинфекција дезинсекција и дератизација.
• Врши планирање, контрола и надзор над изведувањето на ДДД активностите.
• На барање на клиентите изготвува План и програма за вршење на ДДД активности според принципите на ISO и HACCP стандардите.
• Издава сертификат за извршената ДДД услуга.

4. ДОВЕРЛИВО СОВЕТУВАЊЕ И ТЕСТИРАЊЕ ЗА ХИВ/СИДА

Во Одделението за епидемиологија при ЈЗУ Центар за јавно здравје Куманово работи Советувалиште за ХИВ/СИДА каде се врши доброволно и доверливо советување и тестирање на сите лица кои сакаат да ја проверат  својата здравствена состојба за ХИВ/СИДА. Советувањето го изведуваат стручни лица кои даваат совети пред тестирање и после тестирање.

Причината за тестирањето е најчесто сомнителен сексуален контакт, нова врска, интравенско користење на дроги, информации за својот ХИВ статус и др.

Советувањата се доверливи, анонимни и бесплатни. 

Лицата кои што сакаат да бидат советувани и тестирани за ХИВ/СИДА, можат да добијат повеќе информации на телефон 070 215 851 и 070 214 319.