1. Kontrollet shëndetësore dhe higjienike

• Mënyra e kryerjes, përmbajtja e kontrolleve, llojet e kontrolleve dhe afatet për kryerjen e kontrolleve të detyrueshme shëndetësore dhe higjienike janë përshkruar më hollësisht në Rregullore (“Gazeta Zyrtare e Republikës së Maqedonisë” nr. 152/07 ), i miratuar në pajtim me nenin 48 të Ligjit të Mbrojtjes së Popullatës nga Sëmundjet Infektive (“Gazeta Zyrtare e Republikës së Maqedonisë” nr. 66/2004).
  
  Për cilët persona janë të detyrueshëm këto kontrolle?
• Kontrollet e këtij ligji janë të detyrueshme për:
• personat që kryejnë veprimtari edukativo-arsimore dhe shëndetësore;
• personat që bien në kontakt me prodhimin dhe tregtimin e ushqimit, gjatë furnizimit të popullatës me ujë të pijshëm;
• punonjësit në prodhimin, përgatitjen dhe shpërndarjen e barnave dhe personat që përndryshe bien në kontakt të drejtpërdrejtë gjatë punës;
• personat që ofrojnë kujdes higjienik, punojnë në prodhimin e produkteve kozmetike ose kryejnë rekreacion të popullatës
  
  Çfarë përfshin kontrolli higjieniko-shëndetësor?
• Kontrolli mjekësor;
• Marrja e materialit për kontrolle bakteriologjike dhe parazitologjike;
• Lëshimi i librezës sanitare.
  
  Ku kryhen këto kontrolle?
• Në Repartin e higjienës me ekologji shëndetësore (seksioni i kontrolleve shëndetësore, i higjienës dhe ushqyerjes shkollore)
• Në ambientet e punës së klientit (në vend)

2. Trajnim për sigurinë ushqimore

Programi për marrjen e njohurive bazë për sigurinë ushqimore dhe mënyrën e zhvillimit të trajnimit realizohet sipas Rregullores për kërkesat më të afërta të sigurisë ushqimore, kushtet që duhet të plotësojnë personat juridikë dhe fizikë që kryejnë trajnime për njohuritë bazë të sigurisë ushqimore, në respektimin e rregullave për praktikën e mirë higjienike, mbrojtjen e mjedisit, mënyrën e kontrollit të njohurive dhe dhënien e certifikatave për njohuritë bazë të marra për sigurinë ushqimore, Gazeta Zyrtare nr. 5, datë 10.1.2013.

Me Vendimin nr. 03-161/1, datë 22.2.2013, ISHP Qendra e Shëndetit Publik Kumanovë është institucion i autorizuar për organizimin e trajnimeve dhe dhënien e provimit nëpërmjet të cilit kandidatët pajisen me Certifikatë të njohurive bazë të përfituara për sigurinë ushqimore.

Operatori i ushqimit duhet të ofrojë trajnime adekuate profesionale dhe njohuri bazë për sigurinë ushqimore për personat e punësuar në biznesin me ushqim nëpërmjet trajnimeve të organizuara nga persona juridikë të autorizuar.

3. Mënyra e zhvillimit të trajnimit

Trajnimi realizohet në pajtim me Programin, nëpërmjet mësimdhënies tematike prej gjithsej 15 orësh, në këto fusha tematike:

1.Legjislacioni në fushën e sigurisë ushqimore – 1 orë

2.Siguria ushqimore – 1 orë

3.Sëmundjet që transmetohen nëpërmjet ushqimit – 2 orë

4.Higjiena në zinxhirin ushqimor – 3 orë

5.Higjiena personale – 1 orë

6.Higjiena e objekteve të prodhimit dhe tregtimit të ushqimit – 3 orë

7.Kontrolli i sigurisë ushqimore – 1 orë

8.Siguria ushqimore dhe mjedisi jetësor – 1 orë

4. Dhënia e provimit

• Pas trajnimit, kandidatët i nënshtrohen provimit me shkrim, i cili konsiderohet i suksesshëm nëse kandidati i përgjigjet saktë 60% të pyetjeve.

• Provimi zhvillohet nga komisioni në përbërje prej tre anëtarëve, dhe pas dhënies me sukses të provimit, kandidati merr Certifikatë të njohurive bazë të përfituara për sigurinë ushqimore.

5. Ku zhvillohet trajnimi?

Trajnimi zhvillohet në ambientet e institucionit ose në ambientet e operatorit, me kërkesë të tij.